الحجوزات والاستقبال
- مخطط غرف بالسحب لكل ليلة وكل غرفة
- وصول ومغادرة وتمديد وتغيير غرفة
- مجموعات وشركات ووكالات بعقود وأسعار خاصة
- إقامات بدون غرفة، ووصول مبكر ومغادرة متأخرة
نظام الفنادق والمنشآت السياحية
فندق كامل على نظام واحد — من الاستقبال لقائمة الدخل
إي تولف هوسبيتاليتي نظام إدارة فنادق ومنشآت سياحية: حجوزات واستقبال وإشراف داخلي وتدقيق ليلة، مطاعم ونقاط بيع ومخازن ومشتريات، محاسبة مزدوجة بمعايير USALI، وموقع الفندق ومحرك الحجز المباشر والفاتورة الإلكترونية للمصلحة — كلهم على نواة واحدة.
فاتورة إلكترونية ETA
محرك حجز مباشر
فنادق ومنتجعات وبواخر
نواة واحدةالإتاحة والأسعار مصدرها واحد لكل القنوات
USALIقوائم مالية بأقسام الفندق زي ما البنك والمالك بيقروها
ETAفاتورة إلكترونية موقّعة بختم الفندق نفسه
عربي وإنجليزيكل شاشة باللغتين، والواجهة RTL مش مترجمة على عجل
المكوّنات
عشر منظومات بتشتغل مع بعض، مش عشر برامج
الحجز اللي بيتعمل على الموقع هو نفسه اللي بيبان في الاستقبال، وهو نفسه اللي بيدخل الحسابات ويطلع في الفاتورة الإلكترونية — من غير تصدير ولا استيراد ولا إكسل في النص.
الإشراف الداخلي والصيانة
- لوحة حالة الغرف لحظة بلحظة
- توزيع الغرف على المشرفات ووقت لكل غرفة
- غرف خارج الخدمة وخارج النظام بسبب معلوم
- بلاغات صيانة من أي شاشة وتتبّعها لحد الإغلاق
تدقيق الليلة
- ترحيل إيراد الغرف والضرايب آلياً
- إقفال يوم العمل بخطوات واضحة ومراجعة قبل الإقفال
- تقرير المدير اليومي جاهز الصبح
- مفيش قيد بيتكتب مرتين ولا يوم بيتقفل ناقص
المطاعم ونقاط البيع
- منافذ وطاولات وشيكات وشاشة مطبخ
- تحميل على غرفة النزيل بضغطة
- ورديات كاشير بعُهدة وفروقات معلومة
- خصومات وضيافة بصلاحية واتدوّن مين عملها
المخازن والوصفات والتكلفة
- مخازن متعددة وتحويلات وجرد
- وصفة لكل طبق وتكلفة فعلية للطبق
- تكلفة الطعام والمشروبات مقابل المبيع
- فروقات الجرد بتتفسّر مش بتتشطب
المشتريات والموردين
- طلب شراء ← أمر شراء ← استلام ← فاتورة ← دفع
- موافقات على الأوامر حسب حدود معتمدة
- مطابقة ثلاثية بين الأمر والاستلام والفاتورة
- أعمار الدائنين ومستحقات كل مورد
المحاسبة والقوائم
- قيد مزدوج حقيقي وكل عملية ليها قيدها
- قائمة دخل بأقسام الفندق على منهج USALI
- ميزانية وتدفق نقدي وأعمار مديونيات
- موازنات وفروقات الموازنة مقابل الفعلي
الأسعار وإدارة الإيراد
- خطط أسعار ومواسم وحد أدنى للإقامة
- أسعار وإتاحة بالتقويم وتعديل جماعي
- مؤشرات الإشغال ومتوسط السعر وإيراد الغرفة المتاحة
- كوبونات وعروض بشروط
الموقع ومحرك الحجز والقنوات
- موقع فندق كامل بمحتوى تتحكم فيه بنفسك
- محرك حجز مباشر بيحجز من نفس الإتاحة
- قنوات التوزيع وربط الـ OTA على نفس النواة
- استفسارات الموقع بتوصل للاستقبال مش لإيميل ضايع
الفاتورة الإلكترونية والصلاحيات
- فاتورة إلكترونية للمصلحة موقّعة بختم الفندق نفسه
- توقيع لحظي من شاشة الاستقبال أو آلي بالليل
- صلاحيات مفصّلة لكل دور ولكل شاشة
- سجل تدقيق بيقول مين عمل إيه وإمتى
من النظام
شوف النظام نفسه
الصور دي من نظام شغّال ببيانات تجريبية — مش تصميمات. اضغط على أي صورة تشوفها بحجمها الكامل.
الفرق الحقيقي
نواة واحدة — عشان الغرفة ما تتباعش مرتين
أغلب الفنادق الصغيرة بتشتغل بنظام للاستقبال، وموقع تاني، وشيت إكسل للأسعار، وحد بينقل بينهم بإيده. النقل ده هو اللي بيعمل الـ overbooking وبيخلي سعر الموقع غير سعر الاستقبال. هنا الإتاحة والأسعار والحجوزات ليهم مصدر واحد، والموقع والـ OTA والاستقبال كلهم بيقروا منه ويكتبوا فيه.
- الغرفة اللي اتباعت على الموقع بتختفي من الإتاحة فوراً
- سعر واحد في كل مكان، وتغييره مرة واحدة
- الحساب بيتقفل بقيد محاسبي مش بتقرير
- التقارير بتقرا من نفس الأرقام اللي الاستقبال شايفها
مناسب لمين
مبني لمين
الفنادق المستقلة
من ٢٠ غرفة لـ ٣٠٠
المنتجعات والقرى
منافذ ومطاعم وأنشطة
البواخر النيلية
رحلات وكبائن ومجموعات
السلاسل والشقق الفندقية
أكتر من منشأة بحسابات منفصلة
أسئلة
اللي بيتسأل عن إي تولف هوسبيتاليتي
عندي أكتر من فندق — أشوفهم مع بعض ولا كل واحد لوحده؟
الاتنين. كل منشأة ليها غرفها وأسعارها وحساباتها، والموظف بيشتغل على المنشأة المصرّح له بيها، والمالك بيشوف تقرير مجمّع للكل.
الفاتورة الإلكترونية للمصلحة شغالة فعلاً؟
أيوه، وبختم الفندق نفسه — التوقيع بيتم على الجهاز اللي فيه التوكن، فالختم مابيخرجش من الفندق. والفاتورة بتتوقّع لحظياً من شاشة الاستقبال، أو آلياً مع تدقيق الليلة.
ينفع أربطه بـ Booking و Expedia؟
النظام مبني على قنوات توزيع وواجهة برمجية عامة موثّقة، والربط بينزل قناة ورا قناة. كلّمنا نقولك بالظبط أنهي قناة جاهزة دلوقتي وأنهي واحدة في الطريق.
محاسبي بيشتغل على برنامج تاني — أنقله ولا أربطه؟
زي ما تحب. فيه محاسبة كاملة جوه النظام بقيد مزدوج وقوائم، وفيه تصدير وواجهة برمجية لو حابب تفضل على برنامجك المحاسبي.
الموظفين هيعرفوا يشتغلوا عليه؟
الواجهة عربي كامل ومن اليمين للشمال، وكل دور بيشوف شاشاته هو بس. وبندرّب الفريق وبنسلّم أدلة استخدام بالعربي، وبنشتغل معاك أول شهر.